Бүгін, 00:02
Кәсіпкердің айтуынша, Integra Construction KZ компаниясы қаза болған әрбір әскери қызметшінің отбасына 25 млн теңгеден береді.
Қазақстандық кәсіпкер, Қазақстан Халық Кеңесінің мүшесі Шахмурат Муталип Каспий теңізіндегі оқу-жаттығу кезінде қаза тапқан әскери қызметшілердің отбасыларына қаржылай көмек көрсететінін мәлімдеді, деп хабарлайды kznews.kz.
Шахмурат Муталип бұл қаражат мемлекет тарапынан көрсетілетін қолдауға қосымша берілетінін атап өтті.
«Әрине, ешқандай ақша ата-аналарға балаларын қайтара алмайды. Алайда мұндай сәтте ешбір отбасы қайғысымен жалғыз қалмауы керек. Осындай қиын кезеңдерде халқымыз әрдайым бірлігін көрсетіп келеді», – деп жазды ол.
Кәсіпкер қаза болған әскери қызметшілердің ата-аналарына, туған-туыстары мен қаруластарына көңіл айтып, қайғыларына ортақ екенін жеткізді.
