Бүгін, 13:38
Әлеуметтік желіде өзін Қазақстан азаматтығын сатып алдым деп мәлімдеген ер адамның видеосы кеңінен тарады. Бейнежазбада әңгімелесуші одан мемлекеттік тілді білуге арналған тесті қалай тапсырғанын сұрағанда, ер адам «мұнда бәрін сатып алуға болады, жемқор ел» деп жауап береді, деп хабарлайды kznews.kz.
Осыған байланысты Ішкі істер министрлігі тексеру жүргізіп, видеодағы адамның жеке басын анықтады.
Ведомствоның мәліметінше, ол – көршілес мемлекеттің азаматы. Тексеру барысында ер адамның Қазақстан азаматтығын заңсыз сатып алғаны туралы айтқан сөзі шындыққа сәйкес келмейтіні анықталған.
«Аталған дерек бойынша қылмыстық іс қозғалды», – деп хабарлады ІІМ.
Қазіргі уақытта құқық қорғау органдары істің барлық мән-жайын анықтап, тергеу амалдарын жүргізіп жатыр.
