7 наурыз, 2026
Қазақстандық боксшы Мадияр Әшкеевтің Лос-Анджелестегі үйі өртеніп кетті, деп хабарлайды kznews.kz.
Боксшының айтуынша, өрт түскі төрттер шамасында, отбасы ауызашарға достарының үйіне баруға дайындалып жатқан кезде басталған. Алдымен үйдің ішінен күйік иісі шығып, кейін гаражды ашқанда үйдің жартысы жанып жатқанын көрген.
Спортшы отбасы мүшелерін дер кезінде сыртқа шығарып үлгерген. Оқиға салдарынан ешкім зардап шекпеген. Қазір оның отбасы уақытша достарының үйінде тұрып жатыр.
