Сенаторлар Жоғарғы сот судьясын сайлады - Қазақстан жаңалықтары

ҚР Парламенті Сенатының пленарлық отырысында Жоғарғы сот судьясының кандидатурасы мақұлданды. Бұл қызметке Мейрамбек Таймерденов келді, деп хабарлайды ҚазАқпаратқа сілтеме жасап Stan.kz.

«Сіздердің қарауларыңызға мемлекет басшысының Жоғарғы сот судьясы қызметіне Мейрамбек Таймерденовті сайлау туралы ұсынысы енгізіліп отыр. Мейрамбек Таймерденов – белгілі және тәжірибелі заңгер. Прокуратурада, әділет органдарында, сонымен қатар сот жүйесінде жұмыс істеген. Судьялық жұмыс тәжірибесі 15 жылдан асады. Сонымен қатар 11 жылдан бері басқарушы судьялық қызметтерде істеген», - дейді Жоғарғы сот кеңесінің төрағасы Талғат Донақов.

Сенаторлар ұсынылған кандидатураны бірауыздан қолдады.

Мейрамбек Тайбергенов 1958 жылы дүниеге келген. Жоғары заңгерлік білімі бар. 2013 жылдың желтоқсан айынан осы күнге дейін Алматы облыстық сотының төрағасы болған.

Stan.kz сайтын Telegram арқылы оқыңыз. Арнамызға жазылыңыз.