Бүгін, 09:10
Қазақстандық танымал аралас жекпе-жек шебері Шавкат Рахмоновтың әкесі Бақтыбай Рахманұлы Алпамысов дүниеден өтті. Қаралы хабарды спортшының қарындасы Сора Рахмонова әлеуметтік желідегі парақшасында жариялады, деп хабарлайды kznews.kz.
Жақындарының айтуынша, марқұмның рухына бағышталған Құран асы 13 тамыз күні сағат 18:00-де беріледі. Осыған байланысты Бақтыбай Рахманұлының туған-туыстары, достары мен жақындарын дұғаға шақырды.
«Қатысуларыңыз – марқұмның рухына дұға, біздерге үлкен қолдау. Алла Тағала қабыл етсін! Әмин», – деп жазды Сора Рахмонова.
Бақтыбай Рахманұлы – әлемдік аренада өнер көрсетіп жүрген қазақстандық файтер Шавкат Рахмоновтың әкесі. Шавкат Рахмонов аралас жекпе-жек спортында ел намысын қорғап, өзінің шеберлігімен қазақстандық жанкүйерлерге кеңінен танылған спортшылардың бірі.
Марқұмның отбасына, туған-туыстары мен жақындарына көңіл айтамыз. Алла алдынан жарылқап, иманы саламат болсын.
