9 желтоқсан, 2022
ҚР Президенті Қасым-Жомарт Тоқаев Жоғары Еуразиялық экономикалық кеңестің Бішкектегі отырысында санкциялар текетіресі ЕАЭО елдеріне қалай әсер етіп жатқаны туралы пайымын айтты.
«Бәрімізге белгілі санкция шектеулері Еуразиялық экономкалық одаққа мүше елдердің бәрінің экономикасына қысым көрсетіп жатқанын мойындау керек. Сондықтан біздіңше, комиссия мен елдеріміздің үкіметтеріне осы мәселеге айрықша назар аударып, осынау санкция шектеулерінің әсерін бәсеңдету жолдарын ұсыну қажет», – деді Қасым-Жомарт Тоқаев.
Сондай-ақ Президент Қазақстанның бастамасы бойынша құрылған Жоғары әрекет ету тобының жұмысын тиімді деп бағалады.
«Бірақ оған ұлттық аядан жоғары аспектілер жетіспейді. Бұл жұмысқа алқа мүшесі ретіндегі комиссия басшылық ету керек деп есептеймін. Әрине, жұмыс барысында комиссия мандатын басшылыққа алып, халықаралық аспектілерді ескеру керек», – деді Мемлекет басшысы.
