Бүгін, 15:39
Атырау қаласында өткен Роза Рымбаева концертінде 14 жастағы жанкүйерінің арманы орындалды, деп хабарлайды kznews.kz.
Изабелла Галстян әншінің шығармашылығын көптен бері тыңдап, оның әндерін жатқа біледі. Әсіресе «Сәлем саған, туған ел» әнін түрлі байқауларда орындап жүрген. 8 наурызға орай ата-анасы оған концертке билет сыйлаған.
Кеш барысында қыз сүйікті әншісімен жеке кездесуге мүмкіндік алды. Бұл кездесуді оның вокал мұғалімі Любовь Иванова мен ұйымдастырушы Болат Кохаманов ұйымдастырған.
Изабелланың анасының айтуынша, қыз бұл күнді көптен күткен. Концерттен кейін ол ерекше әсер алып, қуаныштан көз жасына ерік берген. Кездесу кезінде Роза Рымбаева жас жанкүйеріне болашақта тағы кездесіп, оның орындауын тыңдайтынын айтып уәде берген.
