11 қазан, 2025
Ресей биыл жыл соңына дейін «Союз-5» зымыранын ұшыруды жоспарлап отыр, деп хабарлайды Kznews.kz
10 қазан күні зымыран-ғарыш өнеркәсібінің ғылыми-сынақ орталығында «Союз-5» зымыранының алғашқы сатысына жерүсті оттық сынақтары жүргізілген. Бұл туралы «Роскосмос» хабарлады.
Сынақ кезінде 800 тонна тарту күші бар РД-171МВ қозғалтқышы қолданылған. Компоненттері – керосин мен сұйық оттегі, ал сынақ ұзақтығы 160 секунд болған. Сондай-ақ, борттық жүйелердің өзара әрекеттестігі тексерілді.
– Бүгінгі сынақтар «Союз-5» зымыранын Байқоңыр ғарыш айлағынан биыл жылдың соңында ұшыруға жол ашты, – делінген хабарламада.
АНЫҚТАМА
«Союз-5» зымыранының ұшырылымы осы жылдың желтоқсан айында «Бәйтерек» зымыран кешенінен жүзеге аспақ. Бұл – Қазақстан мен Ресейдің бірлескен жобасы. Қазақстанның инвестиция көлемі 90 миллиард теңгеден асады.
