15 қаңтар, 2026
Ресейдің Омбы қаласында ұйымдастырылған балалар мен жасөспірімдерге арналған хоккей жарысы кезінде ресейлік телекомментатор Максим Гречанин қазақстандық командаға қатысты орынсыз пікір білдірді, деп хабарлайды kznews.kz.
Оқиға «Сібір» мен «Астана» командалары арасындағы ойын басталар сәтте болған. Тікелей эфирде комментатор қазақстандық жас спортшыларға бағытталған әдепке сай келмейтін, кемсітуші сөздер айтып, оларды көпшілік алдында қорлаған.
Бұл сөздер трансляция барысында көрермендерге анық естіліп, желі қолданушылары мен жанкүйерлердің наразылығын тудырды. Көпшілік балалар спортына мұндай мінез-құлық мүлде жат екенін атап өтті.
Әзірге бұл жағдайға байланысты жарыс ұйымдастырушылары немесе жауапты органдар тарапынан ресми түсініктеме берілген жоқ.
