Бүгін, 14:23
Қазақстанда әкімшілік рақымшылық жасау туралы заң жобасы қаралып жатыр. Кімдердің айыппұлы кешіріліп, кімдердікі кешірілмейтіні белгілі болды. Заңды Сенат мақұлдады, деп хабарлайды kznews.kz.
Бұл не деген сөз?
Кейбір адамдарға салынған айыппұлдар кешірілуі немесе жойылуы мүмкін. Яғни мемлекет белгілі бір жағдайларда қарызды немесе айыппұлды алып тастайды.
Кімдерге қатысты?
Рақымшылық:
Қазақстан азаматтарына
жеке кәсіпкерлерге
нотариустарға, адвокаттарға және кейбір мамандарға қолданылады
Кімдерге жүрмейді?
Бұл жеңілдік:
компанияларға (заңды тұлғаларға)
шетел азаматтарына
мемлекеттік қызметкерлерге
қауіпті құқық бұзушылық жасағандарға қолданылмайды
Қай жағдайлар кірмейді?
Мысалы:
салықты жасыру
салық төлемеу
салық сомасын әдейі аз көрсету
Бұл істер бойынша айыппұл кешірілмейді.
Тағы бір жеңілдік
Мемлекет шағын бизнеске “таза парақ” деген жеңілдік беріп отыр:
Егер кәсіпкер негізгі салық қарызын төлесе, айыппұл мен өсімпұл кешіріледі
Қанша адамға әсер етуі мүмкін?
Алдын ала есеп бойынша, шамамен 2 370 адам, олардың ішінде жеке тұлғалар да, кәсіпкерлер де бар. Жалпы жеңілдік көлемі шамамен 298 млн теңгені құрайды.
Мемлекет кейбір адамдардың айыппұлын кешіру арқылы олардың қарызын жеңілдетпек, бірақ ауыр немесе қауіпті құқық бұзушылықтар бұл жеңілдікке кірмейді.
