Бүгін, 10:12
Өскеменде бұрынғы қала әкімі, Бекболат Тілеуханның күйеу баласы Жақсылық Омарға қатысты іс бойынша ашық сот отырысы өтіп, тергеу кезеңі аяқталды. Тараптар сотта өз уәждерін ұсынды, деп хабарлайды kznews.kz.
Прокурор айыпталушыны мүлкін тәркілей отырып, 6 жылға бас бостандығынан айыруды және өмір бойына мемлекеттік қызметте жұмыс істеу құқығынан айыруды сұрады. Сондай-ақ оны «Құрмет» орденінен айыру ұсынылды.
Ал қорғаушы тарап жазаны жеңілдетуді талап етті. Адвокаттар оның кінәсін мойындап, өкінгенін, сондай-ақ ұзақ жыл мемлекеттік қызметте еңбек еткенін алға тартты. Сонымен қатар, бас бостандығынан айырудың орнына 700 млн теңге көлемінде айыппұл төлеу ұсынылды. Отбасылық жағдайы, яғни жеті баласы бар екені де ескеруді сұралды.
Сотталушы соңғы сөзінде жасаған ісіне өкініш білдіріп, өзін түрмеге қамаудан босатуды өтінді. Қазіргі таңда сот шешімі күтілуде.
