24 қазан, 2025
Хамитов жартылай орта салмақта ресейлік файтер Анатолий Бойкомен (12-4) күш сынасты. Үш раундқа жоспарланған айқас аса тартысты өтіп, төрешілердің бірауыздан шығарған шешімімен қазақстандық спортшының жеңісімен аяқталды.
Бұл жекпе-жек алдында көптеген сарапшылар жеңісті Бойкоға болжаған болатын. Алайда Хамитовтың мықты тактикасы мен төзімділігі олардың болжамын теріске шығарды. Бұл нәтиже турнирдің басты сенсацияларының бірі саналды.
Осылайша, Қуат Хамитов кәсіби мансабындағы 27-ші жеңісін тіркеді. Ал оның қарсыласы Анатолий Бойко төртінші рет жеңіліс тапты.
Айта кетейік, Хамитов соңғы рет 2024 жылдың мамыр айында аты аңызға айналған ресейлік спортшы Александр Шлеменкомен (68-17-1) кездесіп, төрешілер шешімімен ұтылған еді. Дубайдағы бұл айқас отандық спортшының қайта оралуы мен спорттық бабына келгенін көрсетті.
