Бүгін, 09:13
Отандық әнші Қуандық Рахым қара жамылды, деп хабарлайды kznews.kz.
Өнер иесі әлеуметтік желідегі парақшасында анасының өмірден өткенін жеткізді. Ол анасымен бірге түскен суретін жариялап, “Шын мәнінде, біз Аллаға тәнбіз және Оған қайтамыз” деген жазба қалдырған.
Әншінің анасы Бағдат Арынованың жаназа намазы 22 наурыз күні өтетіні белгілі болды.
Желі қолданушылары мен өнердегі әріптестері Қуандық Рахымға көңіл айтып, қайғысына ортақтасып жатыр. Көпшілік оған сабыр тілеп, жылы лебіздерін білдіруде.
Айта кетейік, биыл әнші шығармашылық жолындағы 10 жылдық мерейтойына орай еліміздің әр қаласында концерттік бағдарламаларын ұйымдастырып жүрген еді.
