5 қаңтар, 2026
Танымал продюсер Мөлдір Мұқан "Тек қана қыздар" подкастына берген сұхбатында жеке өміріне қатысты көпшілік біле бермейтін жайттарды ашық айтты, деп хабарлайды kznews.kz.
Сұхбат барысында Мөлдір ауқатты, дәулетті отбасында өссе де, өмірлік серігін таңдауда материалдық жағдайға емес, махаббатқа басымдық бергенін жеткізді. Оның айтуынша, бала күнінен жоқшылық көрмеген: үйінде бірнеше теледидар болған, ауылдағы алғашқы түрлі түсті теледидар мен жұмсақ диван да олардың шаңырағында тұрған.
"Қолында түгі жоқ жігітке тұрмысқа шықтым. Сол себепті бәрін нөлден бастадық", – деді ол.
Сондай-ақ Мөлдір ата-анасынан ерте айырылып, өмірдің ауыр сынақтарынан өткенін де атап өтті.
Бұл сұхбат әлеуметтік желілерде қызу талқыға түсті. Кейбір қолданушылар оның ашықтығы мен жеке таңдауына түсіністікпен қараса, енді біреулері бұрынғы жұбайына қатысты айтқан пікірлерін орынсыз деп сынады. Осылайша, желіде қолдау мен сын қатар өрбіді.
