26 мамыр, 2025
2025 жылғы сәуірде еліміздегі жанармай құю бекеттерінде бензин бағасы 0,4%-ке өсті, деп хабарлайды kznews.kz тілшісі Energyprom.kz порталына сілтеп.
Жанармай бағасы бір жыл ішінде 2,2%-ке қымбаттаған. Нақтырақ айтқанда, сәуір айында АИ-95/96 және АИ-98 бензині 0,1%-ке, ал АИ-92 — 0,4%-ке өсті. Жылдық динамикада АИ-92 — 1,8%, АИ-98 — 3,2%, АИ-95/96 — 4,3%-ке қымбаттаған.
Бензин бағасының ең көп өскені Жамбыл облысында тіркелді — бір айда бірден 1%-ке өсті. Сондай-ақ Абай және Түркістан облыстарында және Шымкентте 0,8%-ке көтерілген.
Ең аз өсім Солтүстік Қазақстан облысында байқалды — 0,1%. Ал Ақтөбе, Ұлытау облыстарында және Алматы қаласында баға өзгерген жоқ. Батыс Қазақстан облысында бензин керісінше 0,1%-ке арзандаған.
