16 қараша, 2025
Иманғали Тасмағамбетов Украинаның "Миротворец" тізіміне енді, деп хабарлайды "Адырна" ұлттық порталы.
Қазақстанның бұрынғы премьер-министрі және қазір Ұжымдық қауіпсіздік туралы шарт ұйымының төрағасы Иманғали Тасмағамбетов Украинаның "Миротворец" сайтының тізіміне қосылды.
Сайтта Тасмағамбетовке Украинаға қарсы Ресей агрессиясын қолдады және соғысты насихаттады деген айып тағылған. Авторлардың пікірінше, ҰҚШҰ төрағасы Ресей әскери әрекеттеріне қолдау көрсетуге дайын болып, ұйымның әскерін Украина аумағына жіберуге мүмкіндік жасаған. Сондай-ақ, ол Украинаға қарсы "Орешник" зымырандарымен жасалған соққыларды ақтаған.
Айта кетейік, Иманғали Тасмағамбетов ҰҚШҰ төрағасы қызметін 2023 жылдың қаңтарынан бері атқарып келеді.
Ал "Миротворец" сайты 2014 жылы ашылған. Ол Украинаға қарсы қылмыс жасаған адамдар туралы ақпарат жариялайтын ресурстардың бірі болып саналады. Бүгінгі таңда сайт Тасмағамбетовті "қылмыскер" ретінде тіркеген.
