13 желтоқсан, 2025
Қазақстан құрамасы мен «Қайрат» клубының қақпашысы Темірлан Анарбеков Чемпиондар лигасында бір ойынға шаққандағы сейв саны бойынша көш бастады, деп хабарлайды kznews.kz.
Sofascore порталының мәліметінше, 22 жастағы қақпашының биылғы маусымдағы орташа бағасы 8,9 болып, турнирдегі барлық ойыншылардан жоғары нәтиже көрсетті. Бұл көрсеткіш тіпті Чемпиондар лигасының үздік сұрмергені Килиан Мбаппенің (8,34) бағасынан да жоғары.
Анарбеков төрт матчта 27 сейв жасап, жалпы көрсеткіште 4-орынға тұрақтағанымен, бір ойынға шаққандағы орташа сейв саны бойынша бірінші орынға шықты. Одан жоғары тұрған Хайкин, Рулли және Куртуа көбірек матч өткізгенімен, олардың орташа көрсеткіші Темірланнан төмен болды.
