2 қазан, 2024
Қазақстан үкіметінің мүшелері өз тұрғын үйлерін жалға бере алады. Бұл түзету Мәжіліс бірінші оқылымда мақұлдаған заң жобасына енгізілді.
Құжат Мемлекеттік қызмет туралы Заңға өзгерістер енгізуді көздейді. Атап айтқанда, Үкімет мүшелеріне өз меншігіндегі тұрғын үйді мүліктік жалдауға беруге және одан табыс алуға тыйым салу одан алынып тасталады.
"Бұл норма бұрыннан бар. Егер сізде баспана болса, оны жалға бере аласыз. Тек Үкімет мүшелеріне қатысты мәселе болды", - деді Сыбайлас жемқорлыққа қарсы қызмет төрағасының орынбасары Ұлан Сарқұлов.
Үкімет туралы және сыбайлас жемқорлыққа қарсы іс-қимыл туралы заңдарда мұндай тыйым тұтастай қарастырылмаған.
Сонымен қатар, кейбір мемлекеттік қызметшілерге Қазақстанда бизнеспен айналысуға рұқсат етіледі.
Фото:depositphotos.com
