14 қаңтар, 2019
Prosports.kz ақпараты бойынша, қазақстандық боксшылар Мейірім Нұрсұлтанов пен Мадияр Әшкеев Boxrec.com сайтының рейтингісінде өз орындарын жақсартты.
Нұрсұлтанов калифорниялық Санта-Инез қаласында өнер көрсетіп, мексикалық Рамон Агинагуды жеңген болатын. Жекпе-жек екінші раундта нокаутпен аяқталды. Енді ол орта салмақта BoxRec рейтингісінде 32-ші орынға көтеріліп, Ванес Мартиросян жәе Гэри О’Салливан сынды боксшыларды артта қалдырды.
Сол бокс кешінде Әшкеев те өнер көрсетті: ол пуэрторикалық Луис Эрнандесті он раундтан соң төрешілер шешімімен жеңді. Бірінші орта салмақ рейтингісінде Мадияр 127-ші орынға жоғарылады.
prosports.kz
