17 наурыз, 2020
Қазақстанда медициналық мекемелердің барлығында карантин жарияланған еді. Перзентханалар мен перинаталды орталықтар да карантинге ілініпті, деп хабарлайды Stan.kz ақпарат агенттігі SputnikҚазақстанға сілтеме жасап.
Бұл туралы денсаулық сақтау министрлігінің баспасөз қызметі мәлімдеді.
"Серіктеспен босану жүзеге асырылмайды. Бөгде адамның босану палатасына кіруіне тыйым салынады", - деді баспасөз қызметі.
Еске салайық, бұған дейін денсаулық сақтау министрі Елжан Біртанов Қазақстандағы ауруханаларда, интернаттарда және қарттар үйлерінде карантин жарияланғаны жайлы мәлім еткен еді.
Аталмыш мекемелерге қызметкерлерден басқа адамдардың келуін толығымен тыйым салынған.
Сонымен қатар, медициналық ұйымдарда санитарлық-карантиндік шаралар күшейтіліп, фото және видео түсрілімге шектеу қойылды.
stan.kz
