Бүгін, 09:23
«Самұрық-Қазына» ұлттық әл-ауқат қорының басқармасы «Қазақстан темір жолы» ҰК» АҚ басқарма төрағасы қызметіне Елжас Отыншиевті тағайындады, деп хабарлайды kznews.kz.
39 жастағы Елжас Отыншиев Мәскеу физика-техника институтының түлегі. Еңбек жолын Ernst & Young компаниясының Мәскеудегі кеңсесінде бастаған. Кейін он жылдан астам уақыт бойы «Самұрық-Қазына» қоры мен оның еншілес ұйымдарында түрлі басшылық қызметтерді атқарды.
Еңбек жолында инвестициялық жобаларды іске асыру, активтерді дамыту және инвестициялық портфельді басқару бағыттарына жетекшілік еткен. 2023 жылдың сәуір айынан бастап «Самұрық-Қазына» қорының стратегия және активтерді басқару жөніндегі басқарушы директоры, сондай-ақ қор басқармасының мүшесі болды. Бұл қызметте мұнай-газ, теміржол, тау-кен және басқа да салалардағы портфельдік компаниялардың жұмысын үйлестірді.
2024 жылдың ақпанынан бері Елжас Отыншиев «Қазақстан темір жолы» ұлттық компаниясы директорлар кеңесінің құрамында жұмыс істеп келеді.
