Қазақша өлең: Қалижан Бекхожин (Екі адам тұрдық жағада)

Екі жан тұрмыз жағада
Сұр теңізге қарап қана көңілсіз.
Теңізде жүзген шағала,
Қарап соған мен де үнсіз,
ол үнсіз.
Ол күрсінді,
не үшін?
Оның да шашы толқындардай ағарған.
Теңіздей өмір өрісін
жүзгендегі
Шайқалды ма көп арман?

Солай тұрдық көп үнсіз,
Бейтаныспыз,
сыр сұрасып қайтеміз,
Күзгі шағың көңілсіз,
Өткендерді қозғап кетер ой-теңіз...