8 желтоқсан, 2018
2018 жылғы 7 желтоқсан 09:55 38
ТАРАЗ. ҚазАқпарат - Таразда сыбайлас жемқорлыққа қарсы күреске арналған облыстық форум өтті, деп хабарлайды ҚазАқпарат тілшісі.
Қалалық Мәдениет үйіне түрлі ведомстволардың басшылары, ардагерлер, жастар, БАҚ өкілдері жиналды. Шарада жиналғандарға адалдық ұстанымдары, сыбайлас жемқорлыққа қарсы күрес мәдениетін қалыптастыру туралы қойылым көрсетілді.
«Жамбыл облысында 2018-2020 жылдарға арналған сыбайлас жемқорлыққа қарсы іс-қимылдар стратегиясын іске асыру бойынша шаралар жоспары бекітілді. Басты мақсат - сыбайлас жемқорлық туралы ескерту және оның салдарын жою», - дейді Жамбыл облысы әкімі аппаратының басшысы Нұржан Қалендеров.
Форум аяғында сыбайлас жемқорлыққа қарсы күрес тақырыбына арналған үздік жарияланым конкурсының жеңімпаздары анықталды. Интернет-БАҚ арасында жеңімпаздар қатарында «ҚазАқпарат» ХАА-ның Жамбыл облысындағы өңірлік тілшісі бар.
