Бүгін, 13:26
Запорожье қаласында дауыл кезінде ағаш жеңіл көліктің үстіне құлап, оны толықтай басып қалған. Салдарынан 39 жастағы жүргізуші қаза тапты, деп хабарлайды kznews.kz.
Құтқарушылардың мәліметінше, қатты жел кезінде ағаш автокөлікке құлаған сәтте ішінде жүргізуші болған. Соққының әсерінен көлік қатты деформацияланып, ер адам ішіне қысылып қалған.
Оқиға орнына ТЖ қызметкерлері жедел жетіп, арнайы құралдардың көмегімен марқұмның денесін көліктен шығарды. Сондай-ақ құлаған ағашты кесіп, жолдан алып тастаған.
Дауыл салдарын жою жұмыстарына Запорожье облысы ТЖД-ның 8 қызметкері мен 2 техника бірлігі жұмылдырылды.
