22 сәуір, 2025
Полицияның хабарлауынша, блогер әдейі және арандатушылық сипатта жол ережесін бұзған. Ол белгі берместен жолақ ауыстырып, басқаларға қауіп төндірген сәттерді видеоға түсірген.
Тексеру нәтижесінде Нүркеева ҚР Әкімшілік құқық бұзушылық туралы кодексінің 595-бабы 1-бөлігі («Сигнал беру талаптарын сақтамау») және 606-бабы 1-бөлігі («Жолда төтенше жағдай туғызу») бойынша әкімшілік жауапкершілікке тартылды.
Алматы қаласы полиция департаменті мұндай әрекеттерді жауапсыздық емес, айналадағы адамдардың өмірі мен денсаулығына төнетін қауіп деп бағалайтынын айтты.
«Интернеттегі лайк пен пікір үшін осындай әрекеттерге бару — ақталуға келмейді. Қанша оқырман, ақша немесе танымалдық болса да, ешкім заңнан биік емес. Қауіпсіздік – бұл контент емес, әр азаматтың міндеті», – деп ескертті ведомство өкілдері.
