Бүгін, 16:52
Қарағандыда әскери комиссариат қызметкерлері техникалық университеттің бес түлегін диплом қорғағаннан кейін бірден медициналық комиссияға алып кеткен, деп хабарлайды жергілікті тұрғында, деп хабарлайды kznews.kz.
Түлектердің бірінің әпкесінің айтуынша, 23 мамыр күні диплом қорғауы аяқталған соң комиссариат өкілдері бірнеше студентті аудиториядан шығармай, кейін әскерге шақырту қағазын табыстаған. Құжатта әскери комиссариатқа келу уақыты таңғы 9:00 деп көрсетілгенімен, шақырту кешкі уақытта берілген.
Одан кейін жігіттер медициналық тексеруден өткізіліп, әскерге жіберілетіні айтылған. Алайда студенттердің бірі 1 шілдеге дейін әскерге шақыруды кейінге қалдыру құқығына ие болған және магистратураға түсуге дайындалып жүрген.
«Маған әскери комиссариат қызметкерлері: “Кедергі келтірмеңіз, қазір ол Приозерскіге барады, егер уақытты созсаңыз, Отарға не Шуға жіберіледі” деді», – дейді жігіттің әпкесі.
Ол әскери прокуратураға, Қорғаныс министрлігіне және полицияға шағымданғаннан кейін ғана студенттер босатылған.
Қарағанды облыстық шақыру комиссиясы бұл жағдайға байланысты тексеру басталғанын хабарлады. Ведомство мәліметінше, заң бұзушылық немесе өкілеттікті асыра пайдалану фактісі расталса, кінәлілер жауапқа тартылады
