Бүгін, 11:11
"Дикий Арман" лақап атымен танылған Арман Жұмагелдиевтің жаңа видеосы әлеуметтік желіде тарады, деп хабарлайды kznews.kz.
Қаңтар оқиғасынан кейін 20 жылға бас бостандығынан айырылған Жұмагелдиев бейнежазбада өз ұстанымын айтып, бір күні істің ақиқаты ашылатынына сенетінін жеткізген.
Ол өзіне тағылған айыптармен келіспейтінін айтып, мемлекетке немесе халыққа қарсы әрекет етпегенін мәлімдеді.
"Шындық ерте ме, кеш пе ортаға шығады. Құран ұстап тұрып ант етемін. Ешқандай қастандық болған емес, мемлекет пен халыққа қарсы шыққан емеспін. Не істесем де, бәрін Алла мен халық үшін істедім", – дейді Арман Жұмагелдиев тараған видеода.
Әлеуметтік желіде тараған бұл бейнежазба көпшіліктің назарын аударып, қолданушылар арасында түрлі пікір туғызды.
