Бүгін, 14:55
Қазақстан Ұлттық паралимпиада комитетінің президенті Қайрат Боранбаев Халықаралық зағиптар спорт федерациясы – IBSA-ның Атқарушы кеңесінің мүшесі болып тағайындалды, деп хабарлайды kznews.kz.
Тиісті шешім 2026 жылғы 3 тамызда өткен IBSA Атқарушы кеңесінің отырысында ұйым Жарғысының 6.13-бабына сәйкес қабылданған.
IBSA – көру қабілеті бұзылған спортшылар арасында спорт түрлерін дамытумен айналысатын халықаралық ұйым. Федерация әлемнің 100-ден астам еліндегі ұлттық спорт ұйымдарын біріктіреді.
Қазақстан Ұлттық паралимпиада комитетінің мәліметінше, Қайрат Боранбаевтың халықаралық федерацияның басқарушы органына қосылуы еліміздің паралимпиадалық қозғалыстағы ықпалын арттыруға мүмкіндік береді.
Сондай-ақ бұл тағайындау халықаралық ынтымақтастықты нығайтып, көру қабілеті бұзылған спортшыларды қолдауға бағытталған бастамаларды ілгерілетуге және Қазақстанның әлемдік параспортты дамытуға қатысуын кеңейтуге жол ашады.
