Бүгін, 22:31
Президент Қасым-Жомарт Тоқаев AMANAT партиясының бұрынғы төрағасы Ерлан Қошановқа атқарған қызметі үшін алғыс білдірді, деп хабарлайды kznews.kz.
Мемлекет басшысы Қошановтың партия төрағасы ретіндегі еңбегін абыройлы, нәтижелі әрі елге пайдалы қызмет деп бағалады.
Сонымен қатар Президент AMANAT мүшелерінің жуырда өткен съезде жаңадан құрылған «Әділет» партиясына қосылу туралы қабылдаған шешіміне ризашылығын жеткізді. Ол бұл шешімнің тарихи маңызы бар екенін атап өтті.
Тоқаевтың айтуынша, AMANAT партиясы елді жаңғыртуға, заң үстемдігін орнықтыруға және қоғамдық тәртіпке негізделген Әділетті Қазақстанды құруға елеулі үлес қосты.
Мемлекет басшысы отаншыл партия мүшелері алдағы уақытта да «Әділет» партиясының қатарында ел игілігі жолындағы белсенді әрі нәтижелі қызметін жалғастыратынына сенім білдірді.
