Бүгін, 13:18
Президент құттықтауында Қасым-Жомарт Тоқаев Халықаралық балаларды қорғау күнімен құттықтап, бақытты балалық шақтың негізі – берекелі әрі тату отбасы екенін атап өтті, деп хабарлайды kznews.kz.
Мемлекет басшысы жас ұрпақтың құқығын қорғау, денсаулығын сақтау және олардың жан-жақты дамуына жағдай жасау – елдің ортақ міндеті әрі конституциялық талап екенін айтты. Оның пікірінше, отбасы құндылықтарын нығайту жаңа Конституцияда да ерекше орын алған.
Қасым-Жомарт Тоқаев өскелең ұрпақтың білім, спорт және өнер салаларында жетістіктерге жетіп келе жатқанын да атап өтті.
Сондай-ақ ол өзінің бастамасымен жүзеге асқан «Ұлттық қор – балаларға» жобасы арқылы мемлекет әр балаға қолдау көрсетіп жатқанын, ал биыл «Қазақстан балалары» тұжырымдамасы іске қосылғанын жеткізді.
