Алматыда жедел жәрдем көлігі жүргізушісін ұрған Түркия азаматы Қазақстаннан қуылуы мүмкін. Бұл туралы қалалық полиция департаментінеің баспасөз қызметіне сілтеме жасаған NUR.KZ хабарлайды.
Фото: Али Демир, Николай Кучма. Фото: time.kz, видеодан скриншот
2 қараша күні Алматы полициясы қалалық соттардың бірінен Түркия азаматын Қазақстаннан қуып жіберуді талап еткен.
Жедел жәрдем көлігіне келіп, оның жүргізушісін аямай ұрып тастаған Али Демир енді елімізден шығарылуы мүмкін.
Осыған дейін ол жол ережесін және көші-қон заңын бұзғаны үшін жауапкершілікке тартылған болатын.
Ал жұртты шулатқан жағдайдан соң желі қолданушылары шетелдікті елден шығарып жіберуді талап еткен. Алайда полиция барлығын сот шешетінін жеткізген еді.
Демир өз кінәсін мойындап, кешірім сұрағанымен, жауапкершілікке тартылған.
9 қараша, 2018
