14 қаңтар, 2019
Бүгін «Астана» Президенттік кәсіби спорт клубының бас менеджері Асқар Баталов елорда футбол клубының ұжымына жаңа атқарушы директорды таныстырды. Ол 49 жастағы ағылшын маманы Пол Эшуорт, деп хабарлайды клубтың баспасөз қызметі.
Пол ұзақ уақыт бойы өз Отанында «Норвич Сити», «Кембридж Юнайтед» және «Питерборо Юнайтед» командаларының құрамында қызмет жасаған. Содан кейін ол өз мансабында Латвияда 10 жылдан астам «Венспилс», «Рига» және «Сконто» клубтарында жұмыс істеген.
Эшуорт Балтық елдері командаларынан бөлек, «Ростов» (Ресей) футбол клубында спорт директоры, артынша бас бапкердің міндетін атқарушы, және де нигериялық «Квара» және «Онду Стейт» футбол клубтарында техникалық директор қызметтерін атқарған.
prosports.kz
