29 қаңтар, 2019
Перудің Абанкай провинциясында қонақүй қабырғасының құлауы салдарынан 15 адам қаза болып, 29 адам жарақат алды. Бұл туралы "НТВ" арнасына сілтеме жасаған NUR.KZ хабарлайды.
Оқиға "Альамбра" қонақүйінде үйлену тойы салтанаты өтіп жатқан кезінде болған. Жәбірленушілердің барлығы тойға келген қонақтар екен.
Той болып жатқан жерде 100-ге жуық адам болған. Олардың жартысы опырылған қабырғаның жанында тұрыпты.
Алдын ала болжам бойынша, аймақта жауған толассыз жауын-шашын қабырғаның құлауына себеп болған.
Дереккөз: kaz.nur.kz
