Бүгін, 09:15
Қазақстандық Паралимпиада чемпионы Ербол Хамитов Италиядан елге оралған соң бағалы сыйлыққа ие болады. Бұл туралы Nege.Aqsha Telegram-арнасы хабарлады.
Мәліметке сәйкес, танымал кәсіпкер Нұрлан Смағұлов спортшыға Chery Tiggo 7 маркалы автокөлікті сыйға тартуды жоспарлап отыр. Көліктің кілті чемпион Қазақстанға оралғаннан кейін табысталмақ.
Айта кетейік, Ербол Хамитов Италияда өткен Қысқы Паралимпиада ойындарында парабиатлоннан 4,5 шақырымдық «ілесу жарысы» бойынша алтын медаль жеңіп алып, Қазақстан қоржынына маңызды жүлде салған еді.
