Бүгін, 10:32
Өскемендегі өндіріс орындарының бірінде газ-ауа қоспасының жарылысы болып, соңы өрт пен ғимараттың бір бөлігінің опырылуына әкелді, деп хабарлайды kznews.kz.
Төтенше жағдайлар министрлігінің мәліметінше, апат кәсіпорындағы шаң сүзу цехында тіркелген. Алдын ала деректер бойынша, жабдық ішінде жиналған газ бен ауа қоспасы тұтанып, жарылыс болған.
Жарылыстан кейін өрт шығып, нысанның бір бөлігі құлаған. Оқиға орнында құтқарушылар мен жедел қызмет мамандары жұмыс істеуде.
Әлеуметтік желілерде тараған видеолардан жарылыстың күшті болғанын байқауға болады. Қазіргі уақытта ТЖМ жедел штаб құрып, аумақты толық тексеріп жатыр. Мамандар зардап шеккендер бар-жоғын анықтауда.
Оқиғаның нақты себептері тергеу нәтижесінде белгілі болады.
