Бүгін, 17:29
Өскемендегі зауытта болған жарылыс салдарынан қаза тапқандардың бірі туралы жаңа мәліметтер жарияланды, деп хабарлайды kznews.kz.
Құрбандардың бірі — 33 жастағы металлург Олжас Рамазанов. Ол екі қыздың әкесі болған. Жақындарының айтуынша, марқұм өз ісіне жауапкершілікпен қарайтын маман әрі отбасына жанашыр әке ретінде танылған.
Апат салдарынан жалпы екі адам көз жұмып, тағы бірнеше адам түрлі жарақат алған. Зардап шеккендердің барлығына қажетті медициналық көмек көрсетіліп, өрт толықтай сөндірілген.
Қазіргі уақытта оқиғаның нақты себептері анықталып жатыр. Тергеу жұмыстарын жүргізу үшін арнайы комиссия құрылған. Сондай-ақ қаза тапқан азаматтың отбасына материалдық және психологиялық көмек көрсетілетіні хабарланды.
