17 қараша, 2018
Қысқа сілтеме алу
Өткен бейсенбіде орман өртеніп, мыңдаған адам із-түссіз жоғалды
АСТАНА, 17 қараша — Sputnik. Калифорнияның солтүстігінде орман өртеніп, 74 адам көз жұмды. Сондай-ақ, мыңдаған адам іздестіріліп жатыр, деп хабарлайды NBC News.
Осы уақытқа дейін штаттың солтүстігіндегі өрт салдарынан 74 адамның көз жұмып, 630 адамның із-түссіз жоғалғаны хабарланған еді. Көз жұмғандардың мәйіті Парадайз және Магалия қалаларынан табылды.
Билік із-түссіз жоғалғандардың тізімі қысқарады деген үмітте. Себебі, кей жерде бір адамның есімі қайталанған болуы мүмкін.
Калифорнияның солтүстігінде болған өртті жұрт Camp деп атайды. Ол өткен аптада, 8 қараша күні басталды. Бұл штат тарихындағы ең жойқын күшке ие өрт болды. Қазіргі таңда тілсіз жау шарпыған аумақ 59 мың гектарды құрайды. Сондай-ақ, 6 мыңға жуық құрылыс нысаны қирады.
