Бүгін, 12:39
Журналист Руслан Өтепбай әлеуметтік желідегі парақшасында Фариза Алмазқызы мен оның бұрынғы күйеуі, актер Нұрсұлтан Жақсыген арасындағы дауға қатысты сот процесі жүріп жатқанын мәлімдеді, деп хабарлайды kznews.kz.
Бұған дейін Фариза Алмазқызы бұрынғы жұбайына қатысты бірқатар мәлімдеме жасап, әлеуметтік желіде түрлі жазбалар мен скриншоттар жариялаған болатын.
Жарияланған материалдардың бірінде Фаризаға қатысты ауыр айып айтылған. Алайда Нұрсұлтан Жақсыген бұл жазбалардың өзіне тиесілі екенін мойындамай, аталған ақпаратты жоққа шығарған.
Журналистің мәліметінше, тараптар арасындағы дау қазір сотта қаралып жатыр. Іс бойынша соттың түпкілікті шешімі әлі шықпаған.
Руслан Өтепбайдің жазуынша, жақын күндері сот үкімі жариялануы мүмкін. Ал тараптардың қайсысының уәжі негізді екенін сот анықтайды.
«Кімнің сөзі рас, кімнің сөзі жалған – оған сот құқықтық баға береді», – деп жазды журналист.
Осыған байланысты тараптардың әлеуметтік желіде айтқан мәлімдемелері әзірге сотпен расталған дерек ретінде қабылданбайды. Істің мән-жайына түпкілікті құқықтық баға сот шешімі шыққаннан кейін беріледі.
