Нұр-сұлтан қаласының орталығында қой сойып, терісін сыпырып алған ер адам елді ашуландырды - Қазақстан жаңалықтары

Ер адам Нұр-Сұлтан қаласының орталығында қой сойып, терісін сыпырып алды. Оның бұл әрекеті тұрғындардың ашуына тиді. 

Видеодан кадр

Бұл көріністі куәгерлер видеоға түсіріп жариялады. Желі қолданушылары ер адамның бұл әрекетін түсіне алмады. 

"Елорда. ЭКСПО аймағында. Малды бауыздап, терісін сыпырып жатыр. Айналасында көлік пен адамдар өтіп жатыр. Балалар да бар", - дейді Facebook желісінде Анастасия Трифонова.

Малды елорда атауының өзгеруіне байланысты құрбан еткен шығар деп әзілдеген желі қолданушылары бар. 

"Барып тұрған мәдениетсіздік. Балалар қоқыста ойнай береді, қойды көше ортасында соя береді. Тағы өзіміз Еуропадағыдай өмір сүргіміз келеді", - дейді желідегілер.