15 наурыз, 2019
Несіп Жүнісбаев 1950 жылы 10 желтоқсанда Алматы облысы, Қаратал ауданы, Көпбірлік ауылында туған.
1975 жылы Қазақ мемлекеттік университетінің журналистика факультетін үздік бітірген. Сол жылдан 1991 жылға дейін «Лениншіл жас» (қазіргі «Жас Алаш») газетінде қызмет атқарды.
1991–2003 жж. республикалық «Спорт» газетінің бас редакторы болды. Әлем спорт журналистері қауымдастығының мүшесі және Азия спорт Журналистер одағы атқару комитетінің мүшесі. Орыс тілінде жазылған «Олимпийский маршрут: Барселона–92, Атланта–96, Нагано–98» атты кітабы 2000 жылдың қорытындысында Қазақстан Республикасы Президентінің алғысына ие болды.
«Жалын» баспасының 1985 жылғы жабық бәйгесінде «Рингтегі тағдыр» повесі екінші жүлдеге ие болды.
2002 жылы «Елорда» баспасынан «Әкемнің қамшысы» атты әдеби жинағы, ал 2003 жылы «Білім» баспасынан «Намыс жыртар ұл қайда?» атты ойтолғамдары жарық көрді.
