Бүгін, 10:40
1 қыркүйекке арналған мектептегі салтанатты жиында ерекше қылығы көпшіліктің назарын аударған бірінші сынып оқушысының видеосы әлеуметтік желіде кең тарады, деп хабарлайды kznews.kz.
Кадрларда басқа оқушылар салтанатты шараны тамашалап, сабырлы тұрған кезде кішкентай қыз көңілді әуеннің ырғағына еріксіз билеп кеткен. Ол музыкаға қосылып ән айтып, еш қысылмастан өз қимылдарын көрсеткен.
Айтылған мәліметке қарағанда, мектеп линейкасында қазақ тіліндегі нұсқасы орындалған танымал бразилиялық «Ai Se Eu Te Pego» әні шырқалған. Әуеннің ырғағына еліткен бүлдіршін айналасындағыларға қарамастан билеуін жалғастырған.
Видео авторы қыздың әрекетін әзілмен жеткізіп, «Социофобия оны боялған. Билеп тұрғанда неге тыныш тұру керек?» деген мағынада пікір қалдырған.
Бірінші сынып оқушысының еркіндігі мен табиғи қылығы желі қолданушыларына ерекше ұнап, видеоның астына жылы пікірлер көп жазылған.
«Бәрі қандай әдемі киінген! Ал билеп тұрған қыз – болашақ жұлдыз», «Жаным, әрдайым осылай жарқырап жүр», «Болашақта талай жүректі жаулайтын қыз» деген пікірлер қалдырған қолданушылар.
Кейбір желі қолданушылары бүлдіршіннің көтеріңкі көңіл күйін қолдап, өздері де 1 қыркүйектегі мектеп жиындарында түсірілген қызықты видеолармен бөліскен.
