25 қазан, 2019
Қысқа сілтеме алу
Нұрсұлтан Назарбаев Испанияның бұрынғы королімен теннисші Рафаэль Надальдің телефоны арқылы сөйлесті
НҰР-СҰЛТАН, 25 қазан – Sputnik. Қазақстанның тұңғыш президенті Нұрсұлтан Назарбаев Испанияның бұрынғы монархымен телефон арқылы бейресми сөйлесті. Бұл туралы Елбасының баспасөз хатшысы Айдос Үкібай Twitter-дегі парақшасында хабарлады.
Тағы оқыңыз: Қазақстандықтардың тегіне "Нұр" қосыла ма – министрлік жауап берді
Хаттамада көрсетілмеген бейресми қоңырау Рафаэль Надаль мен Новак Джоковичтің Назарбаевпен кездесуі кезінде, аяқ астынан соғылды. Қос теннисші Нұр-Сұлтан қаласына қайырымдылық матчын өткізуге келген болатын.
"Теннис матчы алдында Рафаэль Надаль Нұрсұлтан Назарбаевқа Испанияның бұрынғы королі Хуан Карлос I-дің жылы лебізін жеткізді. Елбасы теннисшіге алғысын білдіріп, Рафаэльден досына сәлем айта баруын өтінді", - деп жазды Үкібай.
Кенеттен Рафаэль Надаль Испанияның бұрынғы монархының телефон нөмірін теріп, тұтқаны Елбасыға берді.
Үкібай жариялаған видеодан Нұрсұлтан Назарбаев телефон арқылы жылы жүзбен сөйлесіп жатқанын көруге болады.
В этот момент Рафаэль Надаль позвонил бывшему Королю Испании и передал телефон Первому Президенту Казахстана. Таким образом, перед благотворительным теннисным матчем состоялся небольшой телефонный разговор Елбасы и Хуана Карлоса I pic.twitter.com/cn4zKepW92
— Aidos Ukibay (@Aidos_Ukibay) 24 октября 2019 г.
Қазақстан астанасына бір күндік сапармен келген әлемдік теннис жұлдыздары Новак Джокович пен Рафаэль Надаль арасында қайырымдылық матчы өтті.
sputniknews.kz
