Бүгін, 10:21
Қазақстанның Тұңғыш президенті Нұрсұлтан Назарбаевтың немересі Нұрәлі Әлиев Сара Алпысқызы Назарбаева бастамашы болған "Өзін-өзі тану" пәнін одан әрі дамытуға ниетті екенін айтты, деп kznews.kz тілшісі dalanews.kz сайтына сілтеме жасап хабарлайды.
Нұрәлі Әлиев сұхбаттарының бірінде жас ұрпаққа рухани-адамгершілік тәрбие берудің маңызын атап өтіп, бұл бағыттағы жұмысты жалғастыру қажет екенін жеткізген.
Айта кетейік, "Өзін-өзі тану" пәні Қазақстан мектептеріндегі міндетті оқу бағдарламасына 2010-2011 оқу жылында енгізілген болатын. Сара Назарбаеваның бастамасымен қолға алынған бұл курс оқушылардың бойында адамгершілік, мейірімділік, ізгілік және ішкі үйлесім сияқты құндылықтарды қалыптастыруға бағытталды.
Алайда 2022 жылы Қазақстанның Оқу-ағарту министрлігі аталған пәнді міндетті пәндер қатарынан алып тастау туралы шешім қабылдады. Ресми бұйрыққа сәйкес, "Өзін-өзі тану" міндетті мәртебесінен айырылып, факультативтік сабақ форматына ауыстырылды.
