Бүгін, 11:29
13 тамызда Қазақстанның бірнеше өңірінде ауа райы күрт құбылады. Төтенше жағдайлар министрлігі жаңбыр, найзағай, бұршақ және екпінді жел күтілетінін хабарлады, деп жазады kznews.kz.
Батыс Қазақстан, Атырау, Ақтөбе, Шығыс Қазақстан облыстарында, сондай-ақ Түркістан, Жамбыл, Алматы, Абай және Жетісу облыстарында жаңбыр жауып, найзағай ойнауы мүмкін. Кей жерлерде бұршақ түсіп, жел күшейеді.
Сонымен қатар Батыс Қазақстан, Атырау, Ақтөбе, Ақмола, Қарағанды, Шығыс Қазақстан, Абай, Қызылорда, Түркістан, Жамбыл, Алматы және Жетісу облыстарында жел екпіні секундына 15–20 метрге дейін жетуі ықтимал.
Бірқатар аймақта төтенше өрт қаупі де сақталады. Олардың қатарында Түркістан, Қызылорда, Қарағанды, Жамбыл, Алматы облыстары, Жетісу және Ұлытау облыстары бар.
Төтенше жағдайлар министрлігі тұрғындарды ауа райының қолайсыздығына байланысты сақтық шараларын сақтауға шақырады.
