"Нағыз жыртқыш іспеттес". Сарапшы қазақ боксшысының чемпиондық жекпе-жекке дайындығы жайында: 20 желтоқсан 2018

Канадалық кәсіпқой бокс сарапшысы Шон Смит Vesti.kz тілшісімен сұхбатында 2015 жылғы әлем чемпионатының жеңімпазы, алғашқы орта салмақта жұдырықтасатын қазақстандық Садриддин Ахметовтың (6-0, 6 КО) келешегін болжап көрді.

Мұның алдында канадалық Eye of the Tiger Managament промоутерлік компаниясы Ахметовтың 26 қаңтар Монреальда өтетін бокс кешінде WBC "жастар" белбеуі үшін жұдырықтсатынын мәлімдеген еді.

"Садриддин Ахметов - қазіргі таңда Канададағы болашағы ең зор боксшы. Жүкембаев сияқты алғашқы алты жекпе-жегін нокаутпен аяқтады. Ол өзінің жеке стилін жасады. Рингте ол бір жыртқыш іспеттес. Әр жекпе-жек сайын өсіп келеді. Ол жаңа деңгейге көтеріліп, WBC белбеуі үшін жұдырықтасуға дайын. Бұл Ахметовтың рейтингін көтеретін беделді титул", - деп атап өтті Смит.

WBC Youth белбеуін соңғы рет 23 жастағы француз Кристиан М'Билли (13-0, 13 КО) иеленген болатын. Белбеу 2001 жылдан бері ойнатылады.

Еске салайық, 20 жастағы Ахметов кәсіпқой рингке биыл сәуірде шығып, Канададағы алты жекпе-жегін нокаутпен аяқтады.

Дереккөз: http://kaz.vesti.kz/

Мәзір

Айдарлар

Бізбен байланыс

Біздің әлеуметтік желілер

"Нағыз жыртқыш іспеттес". Сарапшы қазақ боксшысының чемпиондық жекпе-жекке дайындығы жайында