Әнші Роза Рымбаеваның кенже ұлы Мәди Рымбаев әлеуметтік желідегі парақшасында өзін келемеждегендерге жауап берді, деп хабарлайды kznews.kz.
Оның ашулы жазбасына желі қолданушыларының сыни пікірлері түрткі болған. Анасының концертінде өнер көрсеткен сәтінен видео жариялаған Мәдиге оқырмандардың бірі «мына клоунды кім сахнаға шығарған?» деп жазған.
Осы пікірге шамданған ол өзінің кәсіби музыкант екенін айтып, еңбегін жоққа шығаруға тырысқандарға үн қатты. Айтуынша, өнер жолына ғұмырының жартысынан көбін арнаған, барлығын өз еңбегімен жасап келеді. Сондай-ақ музыкалық сауаты жоқ адамдардың ақыл айтуына төзгісі келмейтінін жеткізді.
«Мен, қарғыс атқыр, кәсіби маманмын. Мен музыкантпын. Мені бағалап, үйрету сендердің шаруаларың емес. Жасап жүргеннің бәрін өз қолыммен, өзім істеймін. Көзіме де, беліме де зиян келтіремін. Мен осының бәріне өмірімнің жартысынан көбін арнадым. Ал тональдіктерді де білмей тұрып, мені үйреткісі келетіндерді тыңдап, төзгім келмейді», – деп ашуланды Мәди.
Бұдан бөлек, өзін менсінбей жүргендерге де ескерту жасап, олардың бір күні бәрібір өзіне қайта оралатынын айтты.