Бүгін, 12:04
Мемлекет басшысы Қасым-Жомарт Тоқаевтың атына АҚШ Президенті Дональд Трамптан хат келіп түсті, деп хабарлайды kznews.kz.
Америка көшбасшысы ақпан айында Вашингтонда өткен Бейбітшілік кеңесінің алғашқы жиыны аясындағы Қазақстан Президентімен кездесуді ықыласпен еске алды.
Құрама Штаттардың Президенті Мемлекет басшысын Бейбітшілік кеңесінің келесі отырысында және жыл соңына қарай Майамиде өтетін G20 саммитінде күтетінін жеткізді.
G20 саммиті — әлемдік деңгейдегі ең ықпалды алаңдардың бірі. Мұнда қабылданған шешімдер жаһандық экономика мен саясатқа тікелей әсер етеді. Саммит аясында ресми келіссөздермен қатар екіжақты және көпжақты кездесулер де өткізіледі.
Қазақстан G20 құрамына кірмейді. Дегенмен біздің елді қонақ ретінде жиі шақырып тұрады.
