Продюсер Альбина Қапсәлім әлеуметтік желідегі парақшасында белгілі композитор Ескендір Хасанғалиевтің жары, «Ескірмеген махаббат» әнінің музасы Дарико апайға арнайы барып, жаңа жылымен құттықтағанын хабарлады, деп хабарлайды kznews.kz.
Продюсердің айтуынша, олар Дарико апаймен жүздесіп, амандығын біліп, батасын алған. Альбина Қапсәлім оның болмысын сабыр мен сұлулықтың, нәзіктік пен парасаттың үйлесімі ретінде сипаттады.
«Ескірмеген махаббат» әнін білмейтін қазақ кемде-кем. Себебі шынайы махаббат уақыт өткен сайын тереңдей түседі», – деп жазды продюсер.
Сондай-ақ ол Дарико апайды «әйелдік сұлулықтың эталоны» деп атап, мұндай аналардың батасы ұрпақ үшін қастерлі аманат екенін жеткізді.
