Бүгін, 17:12
Әнші Мақпал Исабекова 14 ақпан – Ғашықтар күні түсірілген бағдарламада жеке өміріне қатысты мәлімдеме жасады, деп хабарлайды kznews.kz.
Әншінің айтуынша, ол күйеуімен бір жыл бұрын ресми түрде ажырасқан. Ажырасу өткен жылдың ақпан айында рәсімделген. Мақпал Исабекова бұл күннің өмірінде символикалық мәні барын атап өтті: оның алғашқы жүктілігі мен сүйіктісінің сөз салуы да 14 ақпанмен байланысты болған.
Сондай-ақ әнші желіде бұрынғы күйеуінің жүзін көрсетпеу себебін түсіндірді. Оның айтуынша, күйеуі көпшілік назарында болғысы келмеген, сондықтан ол бұл шешімді құрметтеген.
Әнші ажырасуға ерлі-зайыптылардың ортақ тіл табыса алмауы себеп болғанын айтты. Оның сөзінше, екеуінің арасында диалог болмаған.
Мақпал Исабекова екінші жүктілігі ауыр өткенін де жеткізді. Сол кезеңде ол күйзеліске түсіп, жүктілікті сақтау үшін ауруханада жатқан. Жүктілік кезінде көп уақытын жалғыз өткізгенін айтты.
Қазір әнші екі баласының тәрбиесіне, жеке дамуына және шығармашылығына көңіл бөліп, өміріндегі қиын кезеңді артта қалдырғанын мәлімдеді.
