Бүгін, 15:55
Маңғыстау облысында 13 жастағы қызды өгей әкесі зорлап, артынша өзіне қол салған деп хабарлайды kznews.kz.
Полиция мәліметінше, 2026 жылғы 20 қаңтарда Шетпе ауылында 42 жастағы жұмыссыз ер адам өз үйінің ауласындағы шаруашылық құрылысында мылтықпен өзіне қол жұмсаған. Қару марқұмның жанынан табылған. Бірнеше күннен кейін оның тірі кезінде ауыр қылмыс жасағаны белгілі болды.
— 24 қаңтарда «102» кезекші пультіне 13 жастағы қызды зорланғаны жөнінде арыз түсті. Тексеру барысында қызды өгей әкесі зорлағаны анықталды. Ер адам 20 қаңтарда өз-өзіне қол жұмсаған, — деп хабарлады Маңғыстау облыстық полиция департаменті.
Қыздың анасының арызы негізінде ҚР Қылмыстық кодексінің 120-бабы 4-бөлігі бойынша қылмыстық іс қозғалды. Қазіргі таңда тергеушілер оқиғаның барлық мән-жайын анықтап жатыр.
Полиция өкілдері тергеу құпиясына сілтеме жасап, қосымша ақпарат беруден бас тартты.
